Bo no a entrega e declaracion di BBO/BAVP/BAZV di aña 2021 pa KOR?

Si Bo no a entrega bo declaracion di BBO/BAVP/BAZV di aña 2021 pa KOR, ta importante pa haci esaki mas lihe posibel. Mester entrega e declaracion via e portal "BO impuesto" (of BOi). Si Bo no ta registra como usuario di e portal aki, por fabor haci esaki mas lihe posibel.

Ultimo dia pa entrega e declaracion ta 31 di maart 2022.

Como comerciante, Bo por sigui beneficia di KOR. E ora Bo no tin mester di haci declaracion, tampoco mester paga BBO/BAVP/BAZV tur luna. Pero, tene na cuenta cu tin condicionnan. Den caso di KOR, un di e condicionnan ta cu Bo lo mester haci e declaracion anual. 

Nos ta haci un apelacion fuerte pa cumpli cu e condicion aki. Haci bon uzo di e ultimo chens aki cu nos ta duna Bo. Si tin pregunta, por yama na telefon 522 7424 of 522 7437 of manda un e-mail na boi@impuesto.aw

Si acaso mientrastanto Bo a entrega e declaracion anual, e ora no tin mester di tuma mas accion.

Click riba e linknan akibou pa mas informacion.

Recordatorio y ultimo chens

Recientemente bo persona como comerciante a ricibi un cobransa adicional (naheffingsaanslag) di BBO/BAVP/BAZV di aña 2021. E motibo di esaki ta cu nos no a ricibi e declaracion anual di BBO/BAVP/BAZV corespondiente, cual mester a wordo entrega dia 17 di januari 2022. 


Kleineondernemersregeling (KOR)

Di acuerdo cu e datonan cu nos tin registra di bo empresa, ta asina cu Bo ta bin na remarca pa e asina yama ‘kleineondernemersregeling’ – yama tambe “KOR” - pa aña 2021. Esaki ta nifica cu Bo no tawatin mester di haci declaracion di BBO/BAVP/BAZV tur luna durante aña 2021. Tampoco mester a haci e pago di impuesto corespondiente tur luna. Sinembargo, pa ley Bo tin e deber di entrega e declaracion anual di BBO/BAVP/BAZV di aña 2021, pa asina Inspector por evalua si por mantene e beneficio di KOR den aña 2022.


Ultimo chens

Apesar cu Bo no a entrega e declaracion anual menciona, nos ta recorda Bo y ta duna Bo un ultimo chens pa haci aki. E ultimo dia pa entrega e declaracion ta bira 31 di maart 2022. Nos ta recomenda fuertemente pa cumpli cu e deber aki pa evita consecuencianan indesea.
 

Kico mester declara?

Mester declara e suma total bruto ricibi di tur e bentanan di bo servicio- y/of productonan den aña 2021. Pues, mester conta e suma ricibi di benta di cada luna y declara e suma total di aña 2021.  
 

Kico mester paga?

Si e suma di benta di aña 2021 no ta surpasa Afl. 84.000, e ora no tin mester di paga BBO/BAVP/BAZV. Si e suma di benta surpasa Afl. 84.000, e ora lo mester paga 6% riba e suma di benta total kitando Afl. 84.000. Pues, ta paga riba e suma diferencia.  

Registra como usuario di e portal "BO impuesto"

Entregamento di e declaracion di BBO/BAVP/BAZV ta sosode den forma digital. Pa esaki mester registra prome como usuario di e portal "BO impuesto". 

Con ta registra como usuario?

1. Prepara e documentonan rekeri:

  • Haci un scan of potret di comprobante di registro na Camara di Comercio
  • Haci un scan of potret di ID valido: rijbewijs, cedula of paspoort

2. Haci un cita y upload e documentonan rekeri. 

Click aki pa haci un cita

     E cita ta sosode via telefon. Ta importante pa Bo tin un nomber di usuario cla caba riba dia di e cita.
 

Click aki pa mas informacion di e "username"

Pa mas informacion por yama 522 7424 of 522 7437 of manda un mail na boi@impuesto.aw

Por tuma contacto cu nos tambe, si ya caba Bo tin un BOi-account, pero no ta logra log in.

Con ta entrega e declaracion?

Unabes cu Bo ta registra como usuario di e portal "BO impuesto", Bo por log in y haci bo declaracion den forma digital.

E siguiente splicacion ta valido en caso cu Bo a ricibi e cobransa adicional di aña 2021. 

•    Log in den e portal “BO impuesto” 
•    Selecta e folder “Historie”
•    Selecta “Ambtshalve naheffingsaanslag BBO 2021” 
•    Klik riba e icon di potlood ful na banda drechi
•    Klik riba “Bewerken” (of "Edit")
•    Yena e datonan y manda esakinan.
 

Pagina di BOi pa log in

Con ta yena e formulario digital di declaracion?

Aki ta sigui un ehempel di con mester yena e formulario di declaracion.

Si e suma di benta di aña 2021 ta Afl. 78.000, ta yena e declaracion asina:

Vrijgestelde omzet                           0.00
Belaste omzet BBO/BAVP       78.000 (Por fabor yena e suma cu Bo a calcula di bo bentanan)
Belaste omzet BAZV               78.000 (Por fabor yena e suma cu Bo a calcula di bo bentanan)

Automaticamente e sistema digital lo calcula e suma di impuesto.

Kico mester paga?

Si e suma di benta di aña 2021 no ta surpasa Afl. 84.000, e ora no tin mester di paga BBO/BAVP/BAZV. Si e suma di benta surpasa Afl. 84.000, e ora lo mester paga 6% riba e suma di benta total kitando Afl. 84.000. Pues, ta paga riba e suma diferencia.
 

Haci pago

Si acaso mester paga algo extra, e ultimo dia pa haci e pago ta 31 di maart 2022. Por haci e pago na nos oficina principal na Camacuri of na un di nos sucursalnan. Alabes ta posibel pa haci pago via banco, sea online of personalmente. 

Si no entrega e declaracion

Si no entrega e declaracion anual di aña 2021, e consecuencianan ta como lo siguiente:
 

  1. Bo ta perde e status di KOR despues di dia 31 di maart 2022. 
    Esaki ta nifica cu Bo mester cuminsa haci declaracion y paga BBO/BAVP/BAZV tur luna (mescos cu tur otro comerciante) via e portal “BO impuesto” (of BOi).
     
  2. Bo mester entrega e declaracion y paga BBO/BAVP/BAZV pa luna di januari, februari, maart y april di aña 2022. E ultimo dia pa haci esaki ta 16 di mei 2022. Ta haci declaracion y pago di cada luna separa. E declaracionnan aki lo ta accesibel via bo portal di BOi.
     
  3. Di awor padilanti, tur luna Bo mester entrega e declaracion y paga BBO/BAVP/BAZV. E ultimo dia pa haci declaracion y pago ta riba dia 15 di cada luna. Por consulta e fechanan final riba e website www.impuesto.aw (busca "Deadlines").
     
  4. Si no entrega e declaracion y haci e pago corespondiente na tempo, e ora Bo lo ricibi un cobransa adicional pa cada luna cu no a cumpli. E cobransa aki lo inclui un boet pa incumplimento. Pues, Bo lo bay haya gasto extra innecesariamente.