Dialuna awor Departamento di Impuesto lo reanuda su servicio di caha na tur MFA
Por haci pago unicamente cu debit card
ORANJESTAD – Dialuna awor, dia 1 di juni, Departamento di Impuesto (DIMP) lo reanuda su servicio di caha na tur MFA den districto. Alabes ta anuncia cu entrante dialuna ta permiti pa paga unicamente cu debit card na MFA.
E contribuyentenan por haci pago di cualkier tipo di impuesto y pago di permiso di DIMAS. Mester remarca cu e clientenan di DIMAS mester acudi na un oficina na MFA, debi cu no lo ta posibel mas pa haci pago di permiso na e oficina principal di DIMP na Camacuri.
| MFA | Orario di servicio na MFA | Forma di pago | Pago di permiso di DIMAS |
|
MFA Noord MFA Paradera MFA Santa Cruz MFA Savaneta |
8:00 am - 12:00 pm 1:00 pm - 3:00 pm | Unicamente cu debit card | Unicamente posibel na un MFA |
Tuma nota: No ta acepta pago cu cash.
No por paga permiso di DIMAS na oficina principal na Camacuri.
Ta importante pa menciona cu e clientenan cu lo bay acudi na MFA lo mester tene cuenta cu lo permiti un cantidad limita di persona pa drenta paden cada bes, mientras cu lo tene cuenta tambe cu e distancia rekeri.
Haci pago online
Departamento di Impuesto ta sigui recomenda pa preferiblemente haci pago online via Aruba Bank of Banco di Caribe. E sistemanan di e banconan aki ta conecta automaticamente cu e sistemanan di DIMP y e mesun dia e transaccion ta keda registra den e sistema di Departamento di Impuesto. Ora di haci pago online mester scoge e opcion di Bill Pay y no Transfer.
Gerencia di Departamento di Impuesto
30 di mei 2020