Entrante dialuna awor tin cambio den e condicionnan di pago pa e clientenan di DIMAS
Tuma nota di e sitionan unda por haci pago
ORANJESTAD –Departamento di Impuesto ta anuncia cu entrante dialuna awor, dia 18 di november 2019, lo tin cambio den e condicionnan di pago pa e clientenan di DIMAS cu mester haci pago di por ehempel gasto administrativo (retributies), gasto pa permiso (leges) y/of suma di deposito (waarborgsom). Alabes ta importante pa tuma nota di e sitionan unda por haci pago. E siguiente condicionnan di pago ta aplicabel pa e clientenan di DIMAS:
| Unda por haci pago? | Con por haci pago? | Periodo valido |
|---|---|---|
| Oficina principal na Camacuri Oficina situa na MFA Noord, MFA Paradera, MFA Santa Cruz, MFA Savaneta of Oficina di gobierno na San Nicolas | Cash of Credit card | 18 te cu 29 di november 2019 |
| Oficina situa na MFA Noord, MFA Paradera, MFA Santa Cruz, MFA Savaneta of Oficina di gobierno na San Nicolas | Debit card (unicamente) | Entrante 2 di december 2019 |
| Via banco | Ta recomenda tur cliente di DIMAS pa haci pago online via Aruba Bank y Banco di Caribe uzando e bill payment (addressbook) E sistema online di e dos banconan menciona aki ta configura conforme e sistema digital di Departamento di Impuesto, locual ta haci cu e pago ta wordo procesa mas lihe na Departamento di Impuesto. | Entrante 2 di december 2019 |
| Servicio di caha na oficina di DIMAS | No ta posibel pa haci pago. | Entrante 18 di november 2019 |
Entrante 18 di november e servicio di caha ubica na oficina di DIMAS no lo ta den operacion mas.
Departamento di Impuesto ta haci un apelacion na tur cliente di DIMAS pa tuma bon nota di e cambionan menciona pa evita cualkier inconveniencia.
Por sigui tur informacion di Departamento di Impuesto riba e pagina di Facebook: https://www.facebook.com/impuestoaruba/ pa keda bon informa.
Gerencia di Departamento di Impuesto
17 November 2019