E portal digital “BO impuesto” ta disponibel tambe den weekend
![](https://cuatro.sim-cdn.nl/impuesto/uploads/styles/large_5x1_2560x512/media/boi_weekendv3_website_0.jpg?h=d31b1cf9&cb=W3ZCR08e)
Por haya acceso na BOi tur dia di 7 or am te cu 11 or pm
ORANJESTAD– E portal digital “BO impuesto” (of BOi) ta e plataforma unda tur contribuyente por haci nan declaracion mensual di BBO/BAVP/BAZV, loonbelasting, speelvergunningsrecht, toeristenheffing, BBV, BBVAM den forma digital. Recientemente Departamento di Impuesto a habri tambe e oportunidad na su contribuyentenan pa entrega y manda e lista colectivo di salario (verzamelloonstaat of VZL) y/of e lista colectivo di pago na tercera persona (verzamelstaat opgaaf derden of VOD) pa medio di e plataforma menciona.
Pa facilita y duna tur contribuyente oportunidad amplio pa por atende cu nan debernan di impuesto, awor “BO impuesto” ta disponibel tur dia, esta di dialuna te cu diadomingo for di 7 or di mainta te cu 11 or di anochi.
Gerencia di Departamento di Impuesto
15 di juli 2020