Entrante diaranson tur motociclista por busca plachi di brommer na Departamento di Impuesto
Sigui e skema pa sa cua number ta na turno
ORANJESTAD – Entrante diaranson, dia 17 di juni, Departamento di Impuesto lo cuminsa otorga e plachinan di number MFA di aña 2020. E motociclistanan por acudi na balie 6 na e oficina principal na Camacuri. E orario di servicio ta 7:45 – 11:30 y 1:15 – 3:30.
Pa e partimento di plachi MFA, Departamento di Impuesto ta mantene e siguiente skema.
| Fecha | Number di MFA na turno |
|---|---|
| 17 di juni | MFA-1 te cu MFA-400 |
| 18 di juni | MFA-401 te cu MFA-800 |
| 19 di juni | MFA-801 te cu MFA-1200 |
| 22 di juni | MFA-1201 te cu MFA-1600 |
| 23 di juni | MFA-1601 te cu MFA-2000 |
| 24 di juni | MFA-2001 te cu MFA-2490 |
Pa por ricibi e plachinan ta importante pa trece e siguiente documentonan:
- Recibo di pago original di Departamento di Impuesto.
- Comprobante di seguro valido.
Departamento di Impuesto ta pidi pa sigui e skema menciona pa evita aglomeracion y pa por garantisa cu e partimento di e plachinan por sosode na un forma organisa.
Gerencia di Departamento di Impuesto
16 di juni 2020