Diabierna awor e orario di servicio na publico ta diferente

ORANJESTAD – Departamento di Impuesto ta participa cu e orario di servicio na publico lo ta diferente diabierna awor, dia 6 di januari 2023. Esaki en conexion cu fayecimento y despedida di un empleado. 

Diabierna awor parti mainta, tur oficina di Departamento di Impuesto lo ta cera pa publico. Esaki ta conta tambe pa e oficinanan den districto. Parti merdia Departamento di Impuesto lo reanuda su servicionan na publico na tur su oficinanan segun orario di custumber.

Departamento di Impuesto ta pidi su clientenan pa tuma bon nota di e anuncio aki pa evita cualkier inconveniencia. 

Gerencia di Departamento di Impuesto
4 di januari 2023