Dia 1 di april proximo ta bira e ultimo dia pa entrega verzamelloonstaat y verzamelstaat opgaaf derden di aña 2018

ORANJESTAD – Departamento di Impuesto ta participa cu ta prolonga e termino pa entrega e lista colectivo di salario (verzamelloonstaat) y e lista colectivo di pago na tercera persona (verzamelstaat opgaaf derden) di aña 2018. E fecha final di entrega tawata 31 di januar 2019, pero esaki a wordo prolonga te 1 di april 2019 pa por duna e contribuyente extra espacio pa por cumpli cu e informacion aki. E prolongacon ta conta automaticamente pa tur cliente. Pues no tin mester di entrega un peticion por escrito.