Departamento di Impuesto ta cera mañan 13 di december 2024

ORANJESTAD – Departamento di Impuesto ta participa cu diabierna awor, dia 13 di december 2024, su oficinanan lo ta cera henter dia en conexion cu un dia di reflexion interno. Esaki ta nifica cu diabierna awor lo no tin servicio na publico tanto na oficina principal na Camacuri como na tur otro oficina den districto. Diasabra, dia 14 di december 2024, Departamento di Impuesto lo ta habri pa otorgamento di plach’i number 2024-2029 na companianan y dialuna, dia 16 di december 2024, Departamento di Impuesto lo ta habri bek y tur servicio lo continua manera custumber.

Departamento di Impuesto ta pidi tur contribuyente pa tuma nota di e participacion aki pa evita cualkier inconveniencia.

Gerencia di Departamento di Impuesto
12 di december 2024