Entrante dialuna awor clientenan di DIMAS por paga permiso unicamente na un MFA
Por haci pago solamente cu debit card
ORANJESTAD – Entrante dialuna awor, dia 1 di juni, e clientenan di DIMAS lo por haci pago di permiso unicamente na un MFA den districto. Pues no ta posibel pa haci pago di permiso mas na e oficina principal di Departamento di Impuesto (DIMP) na Camacuri.
Alabes Departamento di Impuesto ta anuncia cu entrante dialuna no ta posibel pa paga cu cash na MFA sino unicamente cu debit card.
Aki ta sigui e detayenan.
|
Pago di permiso di DIMAS |
Orario di servicio |
Forma di pago |
|---|---|---|
|
MFA Noord |
8:00 am - 12:00 pm |
Debit card |
Tuma nota: No ta acepta pago cu cash.
No por paga permiso di DIMAS na oficina principal na Camacuri.
Ta importante pa menciona cu e clientenan cu lo bay acudi na MFA lo mester tene cuenta cu lo permiti un cantidad limita di persona pa drenta paden cada bes, mientras cu lo tene cuenta tambe cu e distancia rekeri.
Preferibel haci pago online
Departamento di Impuesto ta sigui recomenda pa preferiblemente haci pago di permiso online via Aruba Bank of Banco di Caribe. E sistemanan di e banconan aki ta conecta automaticamente cu e sistemanan di DIMP y e mesun dia e transaccion ta keda registra den e sistema di Departamento di Impuesto. Ora di haci pago online mester scoge e opcion di Bill Pay y no Transfer.
Gerencia di Departamento di Impuesto
31 di mei 2020